♡ मन माझे..♡ must read

नुकतीच मी अनुभवलेली एक सत्य कथा फक्त ह्या कथेत मी कलाकार प्राणी वापरणार आहे....!

एक तहानलेला घोडा एका ओढ्यावर पाणी पिण्यास गेला असता, एक रानडुक्कर पाण्यात डुंबत असलेला त्याच्या दृष्टीस पडला. तो रानडूक्कर घोड्यास पाणी पिऊ देईना, त्यामुळे त्या दोघांचे कडाक्याचे भांडण जुंपले. रानडुक्कराची खोड मोडण्याच्या कामी आपणास मदत करण्याविषयी घोड्याने एका माणसास विनंती केली. माणसाने विनंती मान्य करून हाती शस्त्रे घेतली व त्या घोड्यावर बसून तो डूकरास शासन करण्यास निघाला. ओढ्याजवळ गेल्यावर त्याने एक तीर सोडून त्या डुकराचा तात्काळ प्राण घेतला. आपल्या शत्रूचे आपल्या देखत पारिपात्य झालेले पाहून घोड्यास मोठा आनंद झाला, त्याने त्या माणसाचे फार आभार मानले व मला आता घरी जाण्यास आज्ञा द्यावी अशी त्याने विनंती केली. परंतू त्या मानसाने त्यास जाऊ दिले नाही. तो म्हणाला, तुझा मला पुष्कळ उपयोग होईल असे वाटते व म्हणूनच मी तुला माझ्या तबेल्यात नेऊन बांधणार. हे ऎकताच, क्षुल्लक गोष्टीसाठी आपले स्वातंत्र्य कायमचे गमविल्याबद्दल घोड्यास फार पश्चाताप झाला.

तात्पर्य:

ह्या जगात कोणी तुम्हाला फुकट मदत करायला मोकळे नाही. असल्या मदतीमागे नक्कीच गंभीर हेतू दडलेला असतो.

फुकटच्या मदती माणसाला समोरच्याचा मानसिक गुलाम बनवितात... व नंतर त्याला त्याच्या ईशा-यावर नाचायला लावतात. अश्या गुलामगिरीत थांबताही येत नाही आणि त्यातून निघताही येत नाही.

मदत जरूर मागा.... फक्त गरज असेल तेव्हाच आणि अशी मदत घेतांना समोरच्याला काहितरी परतीत द्यावे लागेल हे लक्षात ठेवा. 

माणसाने आपल्या अहंकाराला लगाम लावलेला केव्हाही चांगला कारण असला अहंकार जपण्यासाठी अनेकांची गुलामी करावी लागते. अहंकार त्यानेच जपावा ज्याच्याकडे आपला अहंकार जपण्यासाठी पुरेसा पैसा व साधनसंप्पत्ती आहे अन्यथा वरील गोष्टीतील घोड्यासारखी गत होईल....

निघताही येणार नाही नि थांबताही येणार नाही..

--
Invite Your Friends on our Google Group मन माझे: http://groups.google.com/group/mannmajhe/
Official Facebook Group: https://www.facebook.com/groups/mannmajhegroup/
Official Website : http://mannmajhe.blogspot.com/
---
You received this message because you are subscribed to the Google Groups "मन माझे ..... Marathi Group" group.
To unsubscribe from this group and stop receiving emails from it, send an email to mannmajhe+unsubscribe@googlegroups.com.
For more options, visit https://groups.google.com/groups/opt_out.